उत्तर कोरिया युद्धको अन्तिम तयारीमा, छिमेकी देशहरु त्रासमा, उत्तर कोरियाको नजरमा सबैभन्दा पहिले हमला गर्ने ठाउँ….

धेरै मानिसहरुको ध्यान उत्तर कोरियाको आणविक महत्वाकांक्षा र विशेष गरि उसले अमेरिकासम्म मार हान्न सक्ने आणविक हतियार विकास गरिएको भनिएको माथि नै रहेको छ । तर छलफलहरुमा एक कुरा भने हराइरहेको छ । उसको आणविक क्षमता बाहेकको उसको बलियो सैन्य क्षमताको बारेमा भने कतै पनि चर्चा भएको पाँइदैन । आइतबार बिहान अमेरिकाको रक्ष सचिव जिम माटिसले भने उत्तर कोरियाको संकट समाधानको लागि गरिने कुनै पनि सैन्य समाधान धेरै नै वियोगान्त रुपले विश्वास नै गर्न नसकिने खालको क्षति हुनेछ । त्यसैले कुटनीतिक समाधान नै एकमात्र विकल्प हो । हामीलाई उत्तर कोरियाको सैन्य क्षमताको बारेमा के थाहा छ त ? निक बिस्ले, लाट्रोब एसियाको कार्यकारी निर्देशक र अष्ट्रेलियन जर्नल अफ इन्टरनेशनल अफेयर्सको प्रधान सम्पादक भन्छन् , उत्तर कोरियामा किम वंश पछि सेना दोेस्रो महत्वपूर्ण संस्था हो । देशको पुरै अर्थतन्त्र र देशको उद्धेश्य नै सेना बलियो बनाउने रहेकोले यस देशको सेनाको धेरै ठूलो क्षमता रहेको छ । साँढे दुई करोड जनसङ्ख्या भएको मानिने उत्तर कोरियाको सैन्य सङ्ख्या एसियाको दोस्रो ठूलो सेना हो चीनभन्दा पछि । कोरिया प्रोफेसर बिस्ले भन्छन् उसको सक्रिय सेना करिब १२ लाखको सङ्ख्यामा रहेका छन् र त्यसका दुई तिहाई सेनाहरु उत्तर र दक्षिण कोरियाको सिमामा रहेको डिमिलिटराइज्ड जोनको केही किलोमिटरको घेरामा मात्रै बसेका छन् । अर्को शब्दमा उनीहरु दक्षिण कोरियाको ढोकैमा बसेका छन् र उसको राजधानी सियोल नजिकै छन् उनीहरुले त्यहाँ बन्दुक ताकिरहेका छन् । उनीहरुले दक्षिण कोरियालाई के गर्न सक्छन् ? उत्तर कोरियासँग विशाल सैन्य क्षमता रहेको छ जो एक करोड जनसङ्ख्या भएको सियोल लक्षित गरेर राखिएको छ । यो डिमिलिटराइज्ड जोन भन्दा एक घन्टा भन्दा कम दुरीमा रहेको छ । ‘यदि तपाईले गुगलमा उत्तर कोरियाको प्रत्यक्ष सैन्य फायर अभ्यासको केही प्रोपोगान्डा भिडियोहरु हेर्नुभयो भने पनि तपाईले त्यसको मात्रा थाहा पाउन सक्नुहुन्छ’, बिस्लेले भने । यसलाई ठाडै भन्नुपर्दा उनीहरुसँग सियोललाई छिट्टै नै ध्वस्त गर्न सक्ने क्षमता रहेको छ । हामी उनीहरुको अत्याधुनिक हतियारहरु को बारेमा कुरा गरिरहेका छैनौं । यो मात्रै परम्परागत सैन्य शक्तिको हो । यो अहिलेको जस्तो शक्तिशाली युद्ध हतियारहरुको बारेमा हैन् । प्राध्यापक बिस्लेले भने । यद्यपी धेरै पर्यवेक्षकहरुले यो विश्वास गर्छन यदि उत्तर कोरियाको सैन्य फायरले यत्ति शक्ति प्रवाह गर्न सक्छ त्यो त्यति भयानक प्रवाह गर्न सक्छ त्यसको असर एक प्रकारको आणविक आक्रमणले जति विनाश गर्न सक्छ रेडियसनलाई घटाइदिने हो भने । त्यसैगरि प्राध्यापक बिस्लले भन्छन्,‘ उत्तर कोरिया डिमिलिटराइज्ड जोन पार गरेर दक्षिण तिर प्रवेश गर्छन भन्नेमा प्रश्न नै छैन् ।’ त्यहाँ धेरै सुरुङ सञ्जालहरु रहेका छन् जसको माध्यमबाट उत्तर कोरियाली सेनाहरु दक्षिण प्रवेश गर्न सक्छन् । यदि उनीहरु त्यसरी प्रवेश गरे भने दशौं लाख मानिसको मृत्यु हुन् सक्छ ।